جو کسی کے پیچھے نماز نہ پڑھے اس کے لئے کیا حکم ہے؟

جو کسی کے پیچھے نماز نہ پڑھے اس کے لئے کیا حکم ہے؟

سوال : زید کسی امام کے پیچھے نماز نہیں پڑھتا ہے اگر دباؤ ڈالنے پر کبھی پڑھ لیا تو دہرا لیتا ہے تو زید کے بارے میں شریعت کا کیا حکم ہے؟ الجوابــــــــــــ اگر زید ازراہ نفسانیت بلاوجہ شرعی کسی کے پیچھے نماز نہیں پڑھتا ہے تو وہ گنہگار ہے لیکن اگر وہاں کے امام کوئی شرعی خرابی رکھتے ہوں مثلا صحیح عقیدہ، صحیح طہارت، یا صحیح قرات والے نہیں ہیں، یا داڑھی کٹا کر ایک مشت سے کم رکھتے ہیں تو اس صورت میں زید حق بجانب ہے بیشک ایسے لوگوں کے پیچھے نماز پڑھنا جائز نہیں نہیں کما ھو مصرح فی الکتب الفقھیہ واللہ تعالی اعلم بالصواب کتبہ :مفتی جلال الدین احمد امجــــــــــــــــدی  ماخوذ از فتاویٰ فیض الرسول جلد 1 صفحہ 324