جہاں نام لوں خدا کا وہیں ناؤ ڈگمگائے” کاپڑھناکیسا؟

مصرع: جہاں نام لوں خدا کا وہیں ناؤ ڈگمگائے” کاپڑھناکیسا؟

کیا فرماتے ہیں علمائے کرام ومفتیان اسلام اس شعر کے بارے میں کہ “یہ کرم ہے ناخدا کا یا فریب موج دریا_جہاں نام لوں خدا کا وہیں ناؤ ڈگمگائے، اس شعر کی تشریح فرمائیں کیا یہ شعر درست ہے. المستفتی: شمشیر احمد مقام ھتھیوا نوتنواں مہراجگنج یوپی۔ بسم ﷲ الرحمن الرحیم الجواب بعون الملک الوھاب صورت مستفسرہ میں شعر کا معنی یہ ہے کہ” یہ کشتی چلانے والے کا کام ہے یا دریا کے موج وتلاطم کا فریب ودھوکہ ہے کہ جہاں خدا کا نام لیتا ہوں وہیں کشتی ڈگمگاتی ہے” اور یہ شعر شرعا درست نہیں ہے کہ اس میں ﷲ تعالیٰ کے صفاتی نام “الوکیل” بمعنی”کارساز” کے منافی اعتقاد ظاہر کیا گیا ہے اور یہ حرام ہے . ہاں اگر تاویل واستبعاد سے کام لیا جائے تو شعر کا درست معنی بھی نکل سکتا ہے پھر بھی اس طرح کے شعر سے احتراز چاہیے. ھذا ماظھر لی والعلم عند الحق. کتبہ:محمد ارشد حسین الفیضی | ٢١رجب المرجب ١٤٤٣ھ