حلال جانور کے گوشت کے کونسے اجزاء کھانا منع ہیں ؟

حلال جانور کے گوشت کے کونسے اجزاء کھانا منع ہیں ؟

الجوابــــــــــــــــــــــــــــــــــــــــــ سیدی اعلیٰ حضرت امام اہلسنت امام احمدرضاخان علیہ الرحمہ “فتاویٰ رضویہ” میں ارشادفرماتےہیں ؛ “حلال جانورکےسب اجزاء حلال ہیں مگر بعض کہ حرام یا ممنوع یا مکروہ ہیں ( اور وہ 22 اجزاء ہیں جو کہ درج ذیل ہیں ۔ 1:رگوں کا خون 2:پِتَّا 3:پُھکنا(مثانہ ) 5,4:علامات نر و مادہ 6:بیضے(کپورے’فوطے) 7:غدود ( گردن پر ,حلق میں اوربعض جگہ چربی وغیرہ میں چھوٹی بڑی ,کہیں سرخ کہیں مٹیالےرنگ کی گول گول گانٹھیں ہوتی ہیں) 8:حرام مغز(یہ سفیدڈورےکی طرح ہوتاہےجوکہ بھیجےسےشروع ہوکرگردن کےاندرسےگزرتاہواپوری ریڑھ کی ہڈی میں آخرتک جاتاہے ) 9:گردن کے دو پٹّھے(جو گردن کی مضبوطی کیلیے گردن کی دونوں طرف پیلےکلرکےلمبےلمبےدوپٹھے)کہ شانوں (کندھوں)تک کھنچےہوتےہیں 10:جگرکاخون 11:تِلی کا خون 12:گوشت کاخون کہ بعدِذَبْحْ گوشت میں سےنکلتاہے 13:دل کا خون 14:پت یعنی وہ زرد(پیلا)پانی کہ پتےمیں ہوتاہے 15:ناک کی رطوبت کہ بھیڑ میں اکثرہوتی ہے 16:پاخانہ کا مقام 17:اوجھڑی 18:آنتیں 19:نطفہ (وہ پانی جس سے بچہ بنتا ھے) 20:وہ نطفہ کہ خون ہوگیا 21:وہ (نطفہ)کہ گوشت کا لوتھڑا ہوگیا 22:وہ(نطفہ)کہ پوراجانوربن گیااور مردہ نکلایا بےذبح مرگیا”. (فتوی رضویہ جلد 20 صفحہ 241,240) نوٹ: مذکورہ 22اجزاءکےعلاوہ باقی تمام اجزاء کاکھاناحلال ہے شرعاً انکےکھانےمیں نہ کوئی حرج ہےاورنہ کوئی کراہت ہے ۔ واللہ اعلم ورسولہ اعلم صلی اللہ علیہ وآلہ وسلم کتبـــــــــــہ : مفتی ابو اسید عبیدرضامدنی