ذہنی سکون حاصل کرنے کا وظیفہ

ذہنی سکون حاصل کرنے کا وظیفہ

حضور کوئی ایسا وظیفہ ہے جس سے ذہنی سکون ملے ؟

الجواب

جی بالکل ہے ! ایسا وظیفہ بالکل ہے جس سے آپ کو نہ صرف ذہنی بلکہ روحانی و جسمانی سکون بھی ملے گا وہ ہے خود کو گناھوں سے بچانا چاہے گناہ صغیرہ ہو یا کبیرہ ہو، کیوںکہ جو بندہ گناہ کرتا ہے بھلے وہ ظاہری طور پہ آپ کو جتنا مرضی سکون میں نظر آئے لیکن اندرونِ خانہ وہ سر سے پاؤں تک بے سکونی و بے چینی سے بھرا ہوتا ہے، دوسرا: اطاعتِ الہی میں خود کو مصروف رکھنا، یہ ایک ایسا عمل ہے جس سے انسان کو راحت نصیب ہوتی ہے، نمازوں کی پابندی کرنا،دیگر شریعت کی طرف سے عائد فرائض کی پابندی کرنا۔ تیسرا: اپنی موت کو یاد رکھنا۔ چوتھا: قرآنِ پاک کی تلاوت کثرت سے کرنا۔ پانچھواں: درودِ پاک کی کثرت کرنا۔ چھٹا: سکونِ قلبی کے لیے دعائیں کرنا، اور اپنے اوپر وہ تمام دروازے بند کرنا جو بے سکونی کا باعث ہوں۔ واللہ اعلم بالصواب از : مفتی محمد کامران عطاری مدنی