شادی شدہ عورت اپنے شوہر کے نکاح میں رہتے ہوئے دوسرے مرد سے نکاح نہیں کرسکتی۔

شادی شدہ عورت اپنے شوہر کے نکاح میں رہتے ہوئے دوسرے مرد سے نکاح نہیں کرسکتی۔

ایک لڑکا غیر شادی شدہ ہے اس کا ایک عورت شادی شدہ سے تعلق ہے عورت تین بچوں کی ماں ہے وہ اپنے شوہر کو چھوڑنا بھی نہیں چاہتی اور اس لڑکے سے نکاح بھی کرنا چاہتی ہے تاکہ زنا سے بچ جائے کیا ایسا نکاح کرنا جائز ہے آپ حوالے کے ساتھ جواب عنایت فرمادیں۔ اور مہر لگاکر بھیج دیں اللہ تعالی آپ کو جزا دیگا۔ المستفتی الحاج شہنواز ڈمری پی یس چوری چورا گورکھ پور یوپی انڈیا۔ الجواب بعون الملک الوھاب صورت مستفسرہ میں عورت کو ہرگز ہرگز جائز نہیں کہ اپنے شوہر کے نکاح میں رہتے ہوئے دوسرے سے نکاح کرے کہ یہ نکاح نہیں, خالص زنا ہوگا۔ قرآن پاک میں ہے: “وَ الۡمُحۡصَنٰتُ مِنَ النِّسَآءِ۔ ” (سورۃ النساء آیت ٢٤) اور حرام ہیں شوہر دار عورتیں (کنزالایمان) فتاوی عالمگیری میں ہے: “لايجوز للرجل أن يتزوج زوجا غيره “اھ (کتاب النکاح, باب المحرمات, ج١, ص٣٠٩ , مطبوعہ دارالکتب العلمیۃ بیروت لبنان) یعنی کسی مرد کو جائز نہیں کہ غیر کی بیوی سے شادی کرے۔ واللہ تعالیٰ اعلم بالصواب۔ کتبہ:گدائے حضور رئیس ملت محمد صدام حسین برکاتی میرانی فیضی۔ خادم میرانی دار الافتاء جامعہ فیضان اشرف رئیس العلوم اشرف نگر کھمبات شریف گجرات انڈیا۔