طلاق نامہ پر زبردستی دستخط کرا لیا تو کیا حکم ہے؟

طلاق نامہ پر زبردستی دستخط کرا لیا تو کیا حکم ہے؟

مسئلہ:- از: صوفی محمد صدیق نوری، جواہر مارگ ، اندور۔ طلاق نامہ پر زبردستی دستخط کرالیا تو طلاق واقع ہوئی یا نہیں؟ بینوا توجروا۔ الجوابــــــــــــــــــــــــ صورت مسؤلہ میں اگر جبر شرعی ہے یعنی قتل، یا کسی عضو کے کاٹے جانے یا ضرب شدید کا ظن غالب ہو گیا تو اس صورت میں اس نے طلاق نامہ پر دستخط کر دیا مگر نہ دل میں طلاق کا ارادہ کیا نہ زبان سے طلاق کا لفظ کہا تو طلاق واقع نہ ہوئی۔ اور اگر محض سخت اصرار پر کہ اس کی بات کیسے ٹالی جائے دستخط کردیا تو طلاق واقع ہو گئی کیونکہ یہ جبر نہیں ۔ ایسا ہی فتاوی رضویہ جلد پنجم صفحہ ٦٣١میں ہے ۔ اور تنویر الابصار جلد دوم صفحہ ٤٥٦ میں ہے:” يقع طلاق كل زوج بالغ عاقل ولو مكرها أو مخطئاً. اھ، درمختار جلد دوم صفحہ ٤٥٧ میں بحر سے ہے:” إن المراد الإكراه علي التلفظ بالطلاق فلو اكره علي ان يكتب طلاق امراته فكتب لا تطلق لأن الكتابة اقيمت مقام العبارة باعتبار الحاجة ولا حاجة. اھ” والله تعالى اعلم بالصواب. الجواب الصحيح: جلال الدين احمد الامجدي كتبه: محمد سمير الدين حبيبي مصباحي