عاقلہ بالغہ کا نکاح اس کی اجازت کے بغیر کرنا کیسا ہے ؟

عاقلہ بالغہ کا نکاح اس کی اجازت کے بغیر کرنا کیسا ہے ؟

سوال : بکر نے اپنی بیٹی ہندہ کا عقد بغیر اس کی رضا مندی کے زید کے ساتھ کردیا تھا. دراں حالیکہ ہندہ بالغہ تھی اس واقعے کو بھی تقریبا آٹھ سال گزر گئے اور ہندہ ابھی تک نہ اپنے سسرال گئی اور نہ ہی خلوت ہوئی. ایسی صورت میں عقد مذکور ہوا کہ نہیں؟ اور لڑکی اپنا دوسرا عقد کرنے کی مجاز ہے یا نہیں؟ الجوابـــــــــــــــــــــــــــــــــــــــ عاقلہ بالغہ عورت کا نکاح بغیر اس کی اجازت کے نہیں ہو سکتا اور اگر کسی نے کر دیا تو اس کی اجازت پر موقوف ہے ۔ فتاوی عالمگیری جلد اول مصری صفحہ 269 میں ہے ‘‘ لا ہجوز نکاح احد علی بالغۃ صحیحۃ العقل من ان او سلطان بغیر اذنھا بکرا کانت او ثیبا فان فعل ذلک النکاح موقوف علی اجازتھا فان اجازتہ جاز وان ردتہ بطل کذا فی السراج الوھاج. لہذا صورت مستفسرہ میں اگر باپ کے کیے ہوئے نکاح کو ہندہ نے رد کر دیا تھا تو اس صورت میں طلاق حاصل کیے بغیر دوسرا نکاح کر سکتی ہے اور اگر پہلے رضامند نہ تھی مگر باپ کے کیے ہوئے نکاح کو جائز کر دیا تھا تو اس صورت میں بغیر طلاق دوسرا نکاح نہیں کر سکتی. واللہ تعالی اعلم ۔ کتبــــــــــہ : مفتی جلال الدین احمد الامجدی ماخوذ از فتاویٰ فیض الرسول جلد 1 صفحہ 676