عورت نے قسم کھا کر کہا کہ میرے شوہر نے نشے کی حالت میں طلاق دی ہے تو کیا حکم ہے ؟

عورت نے قسم کھا کر کہا کہ میرے شوہر نے نشے کی حالت میں طلاق دی ہے تو کیا حکم ہے ؟

کیا فرماتے ہیں مفتیان دین و ملت اس مسئلہ میں کہ آمنہ خاتون نے اللہ کی قسم کھا کر بیان کیا کہ میرے شوہر نے شراب کے نشے کی حالت میں چار پانچ بارمجھ کو طلاق دی۔ اگر میرا یہ بیان جھوٹا ہو تو غازی میاں کوڑھی اور اندھا کر دیں۔ یہ واقعہ چار سال پہلے کا ہے۔ سوال یہ ہے کہ کیا آمنہ پر طلاق پڑ گئی اور وہ دوسرا نکاح کر سکتی ہے؟ الجوابــــــــــــــــــــــــــ اگر آمنہ کا بیان صحیح ہے تو اس پر طلاق مغلظہ پڑگئی ۔ بعد عدت وہ کسی دوسرے سے نکاح کر سکتی ہے۔ فتاوی عالمگیری جلد اول صفحہ 331 میں ہے: طلاق السكران واقع اذا سكر من الخمر او النبيذ هو مذهب اصحابنا رحمهم الله تعالى كذا في المحيط. یعنی اگر کسی نے شراب یا نیند کے نشے کی حالت میں طلاق دی تو ہمارے ائمہ کرام کے نزدیک طلاق پڑ جائے گی ۔ ایسا ہی محیط میں ہے ۔ واللہ تعالیٰ اعلم۔ کتبہ: مفتی جلال الدین احمد الامجدی