عید کی نماز گھر پر قائم کر سکتے ہیں یا نہیں از محمد محفوظ عالم رضوی

بسم اللہ الرحمن الرحیم

عنوان  حضرت میرا سوال ہے کہ عید کی نماز گھر پر قائم کر سکتے ہیں یا نہیں محمد ذیشان حیدر

عید کی نماز گھر پر قائم کر سکتے ہیں یا نہیں از محمد محفوظ عالم رضوی

باسمہ تعالی وتقدس الجواب بعون الملک الوہاب عید کی نماز ادا کرنے کے شرائط اور جمعہ کی نماز ادا کرنے کے شرائط تقریبا یکسا ہے چنانچہ حضور صدرالشریعہ علیہ الرحمہ ارشاد فرماتے ہیں :”عیدین کی نماز واجب ہے مگر سب پر نہیں بلکہ انہیں پر جن پر جمعہ واجب ہے اور اس کی ادا کی وہی شرطیں ہیں جو جمعہ کے لئے ہیں ” (بہار شریعت جلد اور حصہ چہارم صفحہ 779) تو جس طرح سے جمعہ شعائر اسلام اور جامع جماعات ہے اسی طرح عیدین بھی شعائر اسلام اور جامع جماعات ہے اور جس طرح گھر پر جمعہ قائم کرنے کی اجازت نہیں اسی طرح عیدین کی نماز کی بھی اجازت نہیں ہے چنانچہ فتاوی فقیہ ملت میں ہے :”عیدین اور جمعہ کی نماز کے لئے شرط ہے کہ خود سلطان اسلام پڑھائے یا اس کا نائب یا اس کا ماذون اور جہاں سلطان اسلام نہ ہو وہاں اعلم علمائے بلد اس کا قائم مقام ہے ” (فتاوی فقیہ ملت جلد اول صفحہ 251) البتہ عید کے اگر عید پڑھنے کا موقع میسر نہ آے تو فقہاے کرام نے نماز چاشت ۴ رکعت ادا کرنے کا حکم عطا فرمایا ہے ۔ لہذا ایسی صورت حال میں اپنے گھروں میں نماز چاشت ادا کریں ۔۔ واللہ تعالی اعلم بالصواب کتبہ :محمد محفوظ عالم رضوی علیمی (کولکاتا)

اعتکاف کے فضائل و احکام اور مسائل ماخوز از بہار شریعت

روزے کی حالت میں آکسیجن ماسک لگانا مفسد صوم ہے یا نہیں ؟