قربانی کا گوشت کتنے دن تک رکھ کر کھا سکتے ہیں

قربانی کا گوشت کتنے دن تک رکھ کر کھا سکتے ہیں۔

مفتی محمد صدام حسین برکاتی میرانی فیضی۔ کیافرماتےہیں علمائےدین اس مسئلہ کےبارےمیں کہ قربانی کا گوشت کتنے دن تک رکھ کر کھا سکتے ہیں ؟ سائل عبید اللہ رضوی پورنیہ بہار۔ الجواب بعون الملک الوھاب قربانی کا گوشت جب تک چاہیں رکھ سکتے ہیں ، شرعی اعتبار سے منع نہیں ہے، ہاں اتنے دنوں تک نہ رکھے کہ خراب اور صحت کے لئے مضر ہوجائے۔ فتاوی ھندیۃ میں ہے: ” ولو حبس الكل لنفسه جاز وله ان يدخر الكل لنفسه فوق ثلاثة ايام الا ان اطعامها والتصدق بها افضل الا ان يكون الرجل ذا عيال وغير موسع الحال فان الافضل له حينئذ ان يدعه لعياله ويوسع عليهم به كذا في البدائع ” اھ (ج٥, ص٣٧١, کتاب الاضحیۃ, باب محل اقامۃ الواجب, مطبوعہ دارالکتب العلمیۃ بیروت لبنان) صدر الشریعہ مفتی محمد امجد علی اعظمی رحمۃ اللہ تعالٰی علیہ تحریر فرماتےہیں: ” قربانی کا گوشت تین دن سے زائد اپنے اور گھر والوں کے کھانے کے لئے رکھ لینا بھی جائز ہے، اور بعض حدیثوں میں جو اس کی ممانعت آئی ہے وہ منسوخ ہے اگر اس شخص کے اہل و عیال بہت ہوں اور صاحب وسعت نہیں ہے تو بہتر یہ ہے کہ سارا گوشت اپنے بال بچوں ہی کے لیے رکھ چھوڑے” اھ (بہار شریعت, ح١٥, ص٣٤٥, قربانی کے جانوروں کابیان, مطبوعہ مکتبۃ المدینہ کراچی) واللہ اعلم عزوجل ورسولہ اعلم ﷺ ۔ کتبہ: گدائے حضور رئیس ملت محمد صدام حسین برکاتی میرانی فیضی۔ خادم میرانی دار الافتاء جامعہ فیضان اشرف رئیس العلوم اشرف نگر کھمبات شریف گجرات انڈیا ۔ ١٦ ذی القعدہ ١٤٤٣ھ مطابق ١٧ جون ٢٠٢٢ء