قطرہ قطرہ پیشاب ہر وقت آتا ہے تو نماز کیسے پڑھے؟

قطرہ قطرہ پیشاب ہر وقت آتا ہے تو نماز کیسے پڑھے؟

سوال : بکر جس کی عمر 75 سال ہے مفلوج بھی ہوگئے تھے جس کا اثر اب بھی ہے۔ اب کچھ دنوں سے قطرہ قطرہ پیشاب ہر وقت آتا رہتا ہے. دریافت طلب امر یہ ہے کہ اپنی نماز ایسی حالت میں کیسے ادا کرے؟ الجوابــــــــــــــــــــــــــــــ وہ شخص کہ جسے ہر وقت پیشاب کا قطرہ آنے کی بیماری ہے اگر نماز کا ایک وقت پورا ایسا گزرگیا کہ وضو کے ساتھ نماز فرض ادا نہ کر سکا تو وہ معذور ہے. اس کا حکم یہ ہے کہ فرض نماز کا وقت ہو جانے پر وضو کرے اور آخر وقت تک جتنی نمازیں چاہے اس وضو سے پڑھے . اس وقت میں پیشاب کے قطرے آنے سے وضو نہیں ٹوٹے گا ۔ پھر اس فرض نماز کا وقت چلے جانے سے وضو ٹوٹ جائے گا. فتاویٰ عالمگیری جلد اول مطبوعہ مصر صفحہ ٣٨ میں ہے ” المستحاضه ومن به سلس البول او استطلاق البطن او انفلات الريح او رعاف دائم او جرح لا يرقا يتوظؤن لوقت كل صلاه ويصلون بذلك الوضوء في الوقت ما شاء وامن الفرائض والنوافل هكذا في البحر. و يبطل الوضوء عند خروج الوقت المفروضۃ بالحدث السابق هكذا في الهدايه وهو الصحيح هكذا في المحيط في نواقض الوضوء ۔ وهو تعالى اعلم کتبہ : مفتی جلال الدین احمد الامجدی ماخوذ از فتاویٰ فیض الرسول جلد 1 صفحہ ١٧٢