لاوڈ اسپیکر سے آیتِ سجدہ سننے پر سجدہ تلاوت کا حکم

لاوڈ اسپیکر سے آیتِ سجدہ سننے پر سجدہ تلاوت کا حکم

اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎ کیا فرماتے ہیں علمائے کرام ومفتیان عظام اس مسئلے کے بارے میں کی جو حفاظ کرام ماٸک سے تراویح پڑھاتے ہیں قرآن شریف میں سجدہ تلاوت آتا ہے اس کی آواز گھروں تک جاتی ہے تو ایسی صورت میں جو شخص بھی مائک کے ذریعے سجدہ والی آیت سن لے تو کیا اس کے اوپر سجدہ تلاوت واجب ہوگا یا نہیں۔ قرآن و حدیث کی روشنی میں جواب عنایت فرمائیں مہربانی ہوگی ؟ محمد ساحل انصاری بنارس الجوابــــــــــــــــــــــــــــــــ کوئی شخص اگر نماز میں سجدہ تلاوت پڑھے اور اس کو ایسا شخص سنے جو نماز میں نہ ہو تو اس سننے والے پر بھی سجدہ تلاوت لازم ہوتا ہے۔فتاوی عالم گیری میں ہے: “وَلَوْ سَمِعَهَا مِنْ الْإِمَامِ أَجْنَبِيٌّ لَيْسَ مَعَهُمْ فِي الصَّلَاةِ وَلَمْ يَدْخُلْ مَعَهُمْ فِي الصَّلَاةِ لَزِمَهُ السُّجُودُ، كَذَا فِي الْجَوْهَرَةِ النَّيِّرَةِ، وَهُوَ الصَّحِيحُ، كَذَا فِي الْهِدَايَةِ.” اور لاوڈ اسپیکر سے آیتِ سجدہ سننے سے بھی احتیاطاً سجدہ تلاوت کا حکم دیا جائے گا۔ واللہ سبحانہ وتعالی اعلم۔ کتبہ: محمد نظام الدین قادری، خادم درس و افتاء دارالعلوم علیمیہ جمدا شاہی، بستی۔ یوپی۔ ١٩/جمادی الآخرہ ١۴۴٣ھ//٢٣/جنوری ٢٠٢٢ء