لقمہ دینے کے بجائے اونہوں اونہوں اونہوں کہا تو نماز ہوگی یا نہیں؟

لقمہ دینے کے بجائے اونہوں اونہوں اونہوں کہا تو نماز ہوگی یا نہیں؟

سوال : زید تراویح پڑھا رہا ہے اور پیچھے مقتدیوں میں حافظ بکر جو کی نابینا ہے. زید نے غلط پڑھا اور بکر نے لقمہ دینے کے بجائے اونہوں اونہوں اونہوں کہا. نماز ختم ہونے کے بعد بکر سے پوچھا گیا کہ آپ نے لقمہ کیوں نہیں دیا تو بکر نے جواب دیا کہ اگر میں لقمہ دیتا اور زید لقمہ نہ لیتا تو میری نماز خراب ہو جاتی تو کیا بکر کی نماز ہوگی یا نہیں؟بینوا و توجروا. الجوابــــــــــــــــــــــــــــــــــ صورت مسؤلہ میں اگر واقعی امام نے ایسی غلطی کی جس سے معنی میں فساد واقع ہو تو کسی کی بھی نماز نہ ہوئی اور اگر مفسد معنی نہ ہو تو سواے بکر کر کے سب کی نماز ہو جائے گی. مگر ختم قرآن کی سنت ادا کرنے کے لیے بعد کی رکعت میں قراءت کا اعادہ کر لے. نماز میں آہ و آف وتف وغیرہ کہنا بھی مفسد نماز ہے چہ جائیکہ اونہوں اونہوں اونہوں یا کلام وغیرہ کرے. غنیۃ المستملی میں ہے ” وان کان من وجع او مصیبۃ یقطعھا آہ واف او تف ” ١ھ ملخصا (صفحہ ٤٣٧) اور بعد نماز تراویح استفسار کیے جانے پر اس کا یہ کہنا کہ زید لقمہ نہ لیتا تو میری نماز خراب ہو جاتی صحیح نہیں کہ بہار شریعت میں صدر الشریعہ علیہ الرحمہ والرضوان رقم طراز ہیں ” کہ امام کو لقمہ دینا اور امام کا لقمہ لینا مفسد صلاۃ نہیں ضرورۃ اسے جائز رکھا گیا ہے. ہدایہ میں ہے ” ان فتح على امامه لم يكن كلاما استحسانا ولو كان الامام انتقل الى آيۃ اخرى تفسد صلاۃ الفاتح وتفسد صلاۃ الامام لو اخذ بقوله لوجودالتلقين والتلقن من غير ضرورۃ “١ھ ملخصا. (ج١ صفحہ ١١٦) واللہ تعالی اعلم ۔ کتبــــــــــہ :مفتی شمس الدین علیمی الجواب صحیح : مفتی نظام الدین رضوی جامعہ اشرفیہ مبارکپور