لیٹ کر قرآن کی تلاوت کرنے کا حکم از محمد اشفاق عالم امجدی علیمی

لیٹ کر قرآن کی تلاوت کرنے کا حکم

Layt Kar Quran Padhna Kaisa Hai

السلام علیکم و رحمتہ اللہ و برکاتہ مسئلہ؛ کیا فرماتے ہیں علمائے دین و مفتیان شرع متین مسئلہ ذیل میں کہ میں کچھ اوراد و وظائف بستر پر لیٹ کر کرتا ہوں، جن میں سورہ ملک شریف کو بھی شامل کرنا چاہتا ہوں، تو کیا لیٹ کر قرآن پاک کی تلاوت کر سکتے ہیں؟ وعلیکم السلام ورحمتہ اللہ وبرکاتہ الجواب بعون الملک العزیز الوھاب لیٹ کر قرآن کریم کی تلاوت کرنے میں حرج نہیں، جبکہ پاؤں سمیٹ لیے جائیں اور اگر لحاف اوڑھا ہو، تو منہ لحاف سے باہر نکال لیا جائے، ہاں اس بات کا خیال ضرور رکھیں کہ بستر پاک ہو۔ حضور صدر الشریعہ علامہ مفتی امجد علی اعظمی نور اللہُ مرقدہ تحریر فرماتے ہیں کہ لیٹ کر قرآن مجید پڑھنے میں حرج نہیں، جب کہ پاؤں سمٹے ہوں اور منہ کھلا ہو۔ یونہی چلنے اور کام کرنے کی حالت میں بھی تلاوت جائز ہے، جبکہ دل نہ بٹے، ورنہ مکروہ ہے۔ (بہار شریعت جلد اوّل صفحہ551) واللہ تعالیٰ اعلم بالصواب