Fatwa #2105
تصدیق شدہ فتویٰ (Verified)
Reader Font:
میرے نبی کی ذات وہ جس سے خدا بھی نہ چھپ سکا‘‘ ایسا بولنا کیسا ہے؟
Questioner: Questioner
Darul Ifta / Scholar: Verified Hanafi Fiqh
Date: September 18, 2025
0
5,642
سوال (Question):
میرے نبی کی ذات وہ جس سے خدا بھی نہ چھپ سکا‘‘ ایسا بولنا کیسا ہے؟
بِسْمِ اللَّهِ الرَّحْمٰنِ الرَّحِيمِ
الجواب و الشرعی حکم (Fatwa Answer):
میرے نبی کی ذات وہ جس سے خدا بھی نہ چھپ سکا‘‘ ایسا بولنا کیسا ہے؟
ایسا بولنا سخت حرام اور گناہ ہے بلکہ یہ اور آگے سب سے بڑے حرام کے دائرے میں بھی پہنچ سکتا ہے اس کو اعلیٰ حضرت علیہ الرحمہ کے شعر سے جوڑنا بے جا ہے، اعلیٰ حضرت علیہ الرحمہ نے یہ فرمایا ہے: اور کوئی غیب کیا تجھ سے نہاں ہو بھلا جب نہ خدا ہی چھپا تم پہ کروڑوں درود خدا کا ’’ نہ چُھپنا ‘‘ الگ بات ہے، اور ’’ نہ چھپ سکنا‘‘ الگ بات۔ غیب تو غیب ہے اور اللہ عز و جل غیب الغیب ہے، اعلیٰ حضرت علیہ الرحمہ یہ بتانا چاہتے ہیں کہ سرکار علیہ الصلاۃ و السلام کی نگاہ میں غیب بھی ہے اور غیب الغیب بھی ہے پھر کون چیز ہے جو چھپی ہو۔ یہ نہیں ہے کہ ’’ جب نہ خدا ہی چھپ سکا‘‘، ’’ نہ چھپ سکا‘‘ کا مطلب یہ ہے کہ اللہ تعالی میں اپنے کو چھپانے کی قدرت نہیں ہے وہ چھپنا چاہا مگر چھپ نہ سکا۔ معاذ اللہ جب کہ اللہ تعالیٰ تو قادر ہے، إن اللہ علی کل شیء قدیر. اللہ نے اپنے آپ کو ظاہر کیا اس لیے سرکار علیہ الصلاۃ و السلام نے دیکھا، اگر اللہ چاہتا کہ وہ ظاہر نہ ہو، چُھپا رہے تو جیسے کوئی مخلوق نہیں دیکھ پاتی ہے رسول اللہ صلی اللہ تعالی علیہ وسلم بھی نہیں دیکھ پاتے۔ یہ اللہ تعالیٰ کا فضل اور کرم ہے کہ اس نے اپنے محبوب رسول پر اپنے آپ کو ظاہر کیا۔ حاصل یہ کہ اللہ تعالی اپنے محبوب رسول سے چھپا نہیں اس کا یہ مطلب نہیں کہ وہ چھپ نہیں سکا۔ نہ چھپنا اور ہے ، نہ چھپ سکنا اور۔ نہ چھپ سکنے میں قدرت باری تعالیٰ کا انکار ہے، اور اس کا حکم بہت ہی سخت ہے، اس لیے جس صاحب نے بھی فتوی لکھا ہے اسے یہ فرق سمجھنا چاہیے۔ واللہ تعالی اعلم کتبہ :محمد ناصر حسین المصباحی الأستاذ بالجامعۃ الأشرفیہ مبارک فوراعظم گڑھ یوپی
دارالافتاء اہل سنت (مسائل ورلڈ)
تصدیق و تدوین: Verified Hanafi Fiqh
Recent Fatawa
غوث پاک نے حضرت عزرائیل سے روح کا تھیلا چھین لیا یہ کہنا کیسا ہے؟
Read Fatwa
19
منگنی کی مجلس میں لڑکی کی طرف سے وکیل اور دوگواہوں کے سامنے مہر رکھ کر لڑکی سے اجابت لیکر
Read Fatwa
13
نفلی صدقہ /چندہ کا حکم از مفتی شان محمد مصباحی
Read Fatwa
12
مقتدی کو ترک واجب کا یقین ہو اور امام کو کچھ اندازہ نہ ہو تو نماز کا اعادہ کیا جاے
Read Fatwa
17
کسی وہابی دیوبندی یا گستاخ رسول کو امام بنانا کیسا ہے؟
Read Fatwa
9