نفلی صدقہ /چندہ کا حکم از مفتی شان محمد مصباحی

وعلیکم السلام و رحمۃ اللہ و برکاتہ

الجواب۔جس مسجد کی تعمیر کیلئے چندہ کیا گیا اسی کی تعمیر میں لگا سکتے ہیں تعمیر کے سوا اسی مسجد کیلئے دوسرے کسی کام میں صرف کرنے کی اجازت نہیں چہ جائیکہ دوسری مسجد پر صرف کریں البتہ تعمیر کے بعد جو روپیہ بچ گیا اسے تمام چندہ دہندگان کی اجازت سے دوسرے کار خیر میں صرف کر سکتے ہیں لہذا اگر تمام چندہ دہندگان دوسری مسجد پر صرف کی اجازت دے دیں تو صرف کر سکتے ہیں ورنہ نہیں اسی طرح دکان وغیرہ

فتاوی رضویہ میں جائز امور کے لئے چندہ کرنے اور اس کے مصرف کے بارے میں ہے”یہ پیسے نفلی صدقہ ہیں، جس خاص غرض کے لیے لیا گیا ہے اس کے غیر میں صرف نہیں کیا جا سکتا. اگر وہ غرض پوری ہوچکی ہو تو جس نے چندہ دیا ہے اس کو واپس کیا جائے یا اس کی اجازت سے دوسرے کام میں خرچ کیا جائے. اگر چندہ دہندگان موجود نہ ہو تو اس کے عاقل بالغ وارثوں کی طرف رجوع کی جائے اگر ان میں کوئی مجنون یا نابالغ ہے تو باقیوں کی اجازت صرف اپنے حصے کے قدر میں معتبر ہوگی صبی و مجنون کا حصہ خواہی نخواہی واپس دینا ہوگا، اور اگر وارث بھی نہ معلوم ہوں تو جس کام کے لئے چندہ دہندوں نے دیا تھا اسی میں صرف کریں، وہ بھی نہ بن پڑے تو فقراء پر تصدق کردیں، غرض بے اجازت مالکان امام کا اپنے لئے خرچ کرنا جائز نہیں چاہے مفلس ہو چاہے غنی. (١٣٤/١٦) اور ایسا ہی فتاوی امجدیہ (٣٩/٣) پر ہے.

واللہ تعالی اعلم

شان محمد مصباحی قادری

٣١ دسمبر ٢٠١٩