چار رکعت والی نماز میں تیسری پر بھول کر قعدہ کیا اور آخر میں سجدہ سہو کیا تو؟

چار رکعت والی نماز میں تیسری پر بھول کر قعدہ کیا اور آخر میں سجدہ سہو کیا تو؟

سوال : کیا فرماتے ہیں علمائے دین اس مسئلہ میں کہ امام نے چار رکعت والی نماز میں دو رکعت پر قعدہ کرنے کے بعد پھر بھول کر تیسری رکعت میں بھی قعدہ کیا پھر تشہد کے بعد کھڑے ہوکر ایک رکعت اور پڑھ کر آخر میں سجدہ سہو کیا تو نماز صحیح ہے یا نہیں؟ بینوا و توجروا ۔ الجوابــــــــــــــــــ چار رکعت والی نماز میں تیسری پر قعدہ نہ ہونا واجب ہے جیسا کہ در مختار جلد اول صفحہ 346 پر بیان واجبات میں ہے ” ترک قعود قبل ثانیۃ او رابعۃ ” اور واجب کے چھوٹنے سے سجدہ سہو لازم ہے. در مختار جلد اول صفحہ 543 میں ہے ” یجب سجدتان بترک واجب سھوا ” لہذا صورت مسئولہ میں جب کہ امام سے ترک واجب ہوا اور اس نے آخر میں سجدہ سہو کر لیا تو اس کی نماز صحیح ہوگئی. واللہ تعالی اعلم کتبہ : مفتی خورشید احمد مصباحی الجواب صحیح : مفتی جلال الدین احمد الامجدی